森林家族開倉6月3日~14日
尋日喺森林家族官方facebook見到呢個宣傳, 知道有得開倉, 第一時間請咗今日半日假, 雖然好遠, 但點都要去血拼一吓! 
今日去到, 發覺自己已經遲咗, 雖然只係第二日開倉, 但好似已經剩番唔多嘢了.....掛住簡簡簡, 都唔記得偷偷影吓相, 唯有用文字描述一下啦 : 嗰度係一間喺工廠大廈嘅貨倉, 擺出嚟賣嘢嘅地方唔算大, 森林家族就喺一個角落。現場所見, 放咗好多display過嘅屋仔, 只係賣$100包晒人仔同配件, 尚算新淨, 好可惜每件display嘅產品都有膠水漬, 或者已經貼實晒, 真係一件只可以陳列嘅森林家族產品, 冇得玩...
問過啲職員仲會唔會有啲產品未開箱, 但答案係已經開晒了, 兩日已經賣得七七八八, 睇嚟森林家族fans真係好多呢!
好嘅貨品主要都係爛盒, 所以賣好平, 我呢個初哥大部份產品都未有, 當然唔執輸入貨啦, 因為都係自己玩, 所以盒爛咗都唔介意, 最緊要配件齊!
同大家分享吓我嘅收穫啦 :
$200
$250
$200
$10~$30
沒有留言:
張貼留言