四葉の新玩具--迷你森林家族

四葉妹妹有新玩具玩啦! 就係之前買嘅迷你版森林家族...

四葉好開心, 好有心機砌每一件配件 :

完成啦!



森林家族又開倉!

代理森林家族嘅公司喺上星期21至26日又做咗一次開倉, 按上次經驗, 今次我就喺第一日請咗下午半日假去血拼...

去到嗰度, 見到剩番少量森林家族貨品, 聽工作人員講, 原來上午已經俾一班忠實粉絲掃完一輪了, 嘩....真厲害!

我惟有喺度等工作人員再開箱, 好彩都不負所望, 工作人員都好努力, 亦都係咁, 我又大出血啦....

同工作人員閑談時得知, 原來森林家族歐洲版將會停產了, 所以今次開倉清貨主要係歐洲版, 呢啲都將會變成絕版啦...

今次開倉, 破天荒開埋星期六, 於是我都再去一轉睇吓有冇好嘢執, 去到當然唔想空手而回啦, 逗留咗兩個鐘, 又大出血....

今次開倉比上次買得多....再多幾次開倉就唔得掂囉, 哈哈.

森林家族2014年曆大募集比賽

見到森林家族代理公司舉辦咗一個「森林家族2014年曆大募集比賽」, 勝出者作品可以被放入2014年曆中, 真係好吸引 !

不過對於我呢個森林家族初哥, 當然知道自己整嘅場景唔會夠人地靚, 不過都希望參與其中, 玩吓...

呢兩幅就係我嘅作品啦! 

其實我仲有一幅, 不過冇提交到, 大家覺得呢幅又點呢??

森林家族和菓子

上星期日喺OK便利店發現有森林家族和菓子賣, 一見到就超開心, 仲要剩番最後一盒, 梗係唔會放手啦! 呢款係3層大屋+花園, 每盒一層, 要齊晒4款就可以砌埋一間屋仔。起初諗, 要抽中晒4款唔同都幾難喎, 仔細睇清楚, 原來個盒上面已經講明係邊一款, 嘩~~正呀!

第二日返工當然唔會放過公司樓下間OK啦, 一入去就見到, 仲有好多貨, 仲要係我未有嗰3款呀! 二話不說就攞晒上手去俾錢....(後記:排隊俾錢時, 啲人買嘅係早餐, 而我就一早買玩具, 呵呵..)

未得閒拆, 開咗再post相!