開學啦!

參加咗鴨作人Jaycee和大佬貓Jay發起嘅"開學啦"場景活動, 一於努力整整砌砌, 將之前整好嘅場景框框變做課室, 先俾大家睇吓開學嘅情況先啦 :

開學前一日, 課室乾乾淨淨等一班小朋友嚟返學, 究竟呢一間係咩學校呢??

開估啦.....原來呢間係國際學校小學部。放咗一個悠長暑假, 大家返到學校一見面就急不及待分享一吓暑假嘅喜與樂.....

四葉妹妹仲帶埋茱拉魯敏一齊返學..

老師嚟啦! 大家都乖乖地坐定定準備上堂

大家第一日返學都精神奕奕, 好開心..

 

睇真啲.....原來已經有小朋友開始恰眼瞓啦, 相信一定係暑假每日都瞓到好晏, 一時間唔慣早起床啦! 四葉妹妹驚呢位同學仔恰眼瞓俾老師發現, 所以即刻拍醒佢!

製作花絮 :

之前都有提過為開學前準備, 做咗啲書仔 :

裝修課室 :

製作書包仔 :

後記 : 

今次都算係第一次自己一手一腳整場景, 除咗書枱櫈係模型之外, 其他都係DIY, 由於唔係太多時間, 所以手作仔唔係好多。我呢個場景相信一定唔夠其他blog友仔做得咁靚, 不過志在參與, 亦都好enjoy整個製作過程。

大家可以喺以下途徑參觀到其他blog友仔嘅作品架 :

https://www.facebook.com/events/351981978260311/?ref_dashboard_filter=upcoming

"開學"準備

為咗參加blog友仔發起嘅"開學"活動, 我都好努力準備...

之前又見blog友們分享佢哋整書仔嘅方法, 我都想同大家分享一下, 當然我呢個方法係懶人版啦, 哈哈....

首先上網搵書仔封面, 然後print出嚟剪裁時留一段空白地方 :

之後用風琴形式摺...

喺書仔中心位置貼上雙面膠紙...

貼住就完成咗啦...

書仔入面再加上貼上內容...

小書仔完成啦!

散件re-ment

最近行一田同埋大眾, 都俾我發現一啲散裝re-ment, 由於已經唔見有套裝, 所以都買咗散裝玩吓, 睇吓抽中邊款 :

呢款水豚君我後悔之前套裝有時冇入, 依家已經唔見有了..

好好彩, 俾我抽中呢兩款, 其中喺個籃入面兩隻係我最鍾意架, 佢地好似申個頭出嚟同我say hi咁, 哈哈..

至於呢兩款, 原來已經係2007年版, 相信已經絕版了.

但拆開先發現, 原來舊嘅re-ment嘅size好似比依家新出嚟大, 比較好似有啲怪怪咁.

第一次DIY場景(預告篇)

受到咁多喜歡玩玩具嘅blog友仔感染及鼓勵(特別多謝小屋), 我都終於踏出DIY場景嘅第一步啦!

因為第一次整, 所以想盡量簡單啲 (因為諗得太複雜我怕會中途放棄呀! 哈哈), 就由幾塊木板開始入手....其實我都唔知道應該用咩木開始, 但諗到外牆應該要堅固啲, 所以就買咗幾塊比較硬嘅木 (後來有少少後悔, 因為太硬, 唔可能界開整隻窗)

由於一直都好想整一間和屋, 所以周圍搵吓啲和式家品, 大家覺得呢張蓆點呢?

雖然未完成, 但都想放啲嘢上去睇吓效果先....發覺原來呢個日式暖爐枱太大, 霸晒間屋仔

不過都想俾四葉坐吓呢間"新屋"先...睇佢幾開心! ^_^

俾四葉玩完一輪之後, 又要開始繼續改造....加咗個門口, 感覺好好多..

加埋牆紙...不過手工有待改善 (嘻嘻)

呢間屋仔之後究竟會變成咩樣呢?? 依家仲係一個謎 (連我自己都未知)....希望可以快啲開估俾大家欣賞啦!