五月入玩具

五月份去咗一轉大阪, 第一次自由行去大阪, 發現原來大阪係一個令人嚴重放血嘅地方, 因為玩具太集中啦, 避唔到呀!  哈哈....

同大家分享吓買咗啲咩, 不過有好多其實唔係買俾自己嘅, 睇吓大家估唔估到邊啲係我架啦!

呢幾個月一直都自己post自己買咗咩, 但都冇post過玩咗咩, 睇嚟我要"努力"一下先得啦!

二月及三月入玩具

整理一下啲相, 原來2月及3月兩個月都敗咗唔少嘢, 呢個毒癮真係好難戒得甩咁呀~~

DIY迷你書仔

先祝大家新年快樂! 心想事成! 猴年天天開心! 

過年前斷斷續續整咗啲迷你書仔, 因為個腦諗咗一個場景好想砌。本來諗住過年放幾日假可以整埋個書櫃, 不過最後都係未有時間做....唯有同大家分享一下啲迷你書仔先啦, 至於個場景....嘻嘻, 希望可以盡快完成啦!

有一套四葉妹妹漫畫, 一套係叮噹 

書仔入面真係有內容架!

Frozen咁hit, 點可以冇書仔呢??

晒冷~~

新寵 -- 蛋黃哥

好耐冇update個blog啦, 見到blog友仔個個都好勤力, 我都要喺2016年加油!

其實呢段時間一直都有入新玩具, 特別係re-ment, 不停出咁多靚嘢, 真係追唔切呀!

喺2015年多咗一個新寵, 就係"蛋黃哥"啦 ! 之前喺日本時見到佢已經俾佢懶洋洋嘅樣吸引(因為太似我啦! 哈哈), 喺香港開始見佢嘅扭蛋和re-ment食玩, 就開始收藏啦....呢度係少少珍藏, 相信會愈來愈多囉...嘻嘻

呢套係re-ment「ぐでたま食堂」, 呢套之前仲有兩套, 不過我仲未拆, 遲啲拆咗再同大家分享一下啦。

DIY森林裙仔

第一次幫森林仔整裙仔, 真係獻醜啦...

迷你版森林家族

之前買咗好耐嘅迷你版森林家族, 到依家先有時間開嚟玩, 其實不斷收集收集, 發現有好多玩具都未開...啲玩具新出嘅速度真係好快, 好難追得切....不過已經不能自拔啦...哈哈

講番呢套玩具, 其實我冇儲開迷你版, 不過對屋仔情有獨鍾, 而且想有大屋嘅迷你版, 所以先會買....砌好又覺得真係好得意.

沖繩之旅-森林家族outlet

4月嘅時候去咗沖繩5天自由行, 本來嘗試喺森林家族呢個深坑跳出嚟, 誰不知去到outlet見到呢間森林家族專店, 一入去就失控咁掃貨.....噢~~睇嚟真係好難戒得甩啦!

戰利品..

買完呢款返嚟先知道原來之前已經買過啦, 哈哈...