森林家族和菓子

上星期日喺OK便利店發現有森林家族和菓子賣, 一見到就超開心, 仲要剩番最後一盒, 梗係唔會放手啦! 呢款係3層大屋+花園, 每盒一層, 要齊晒4款就可以砌埋一間屋仔。起初諗, 要抽中晒4款唔同都幾難喎, 仔細睇清楚, 原來個盒上面已經講明係邊一款, 嘩~~正呀!

第二日返工當然唔會放過公司樓下間OK啦, 一入去就見到, 仲有好多貨, 仲要係我未有嗰3款呀! 二話不說就攞晒上手去俾錢....(後記:排隊俾錢時, 啲人買嘅係早餐, 而我就一早買玩具, 呵呵..)

未得閒拆, 開咗再post相!